利物浦英超作客大勝屈福特5蛋

 一直沒有留意屈福特新聞，原來他們2周前先至炒領隊，看完這場比賽才明白點解。

成隊波成場幾乎搵唔倒1個亮點，後防錯漏百出，中場毫無組織，前鋒也無把握力，除咗烏龍波，球隊可以犯的錯誤幾乎做齊，利物浦把握力好，何止贏5粒。
紅軍這場比賽，前鋒把握力極佳，費明奴個人連中三元，沙拿自己入1粒，也助攻1球給文尼，三叉戟同場個個有波入都幾爽。
比起前鋒，利物浦的中場表現左中右有些分野，
右路都係靠沙拿自己扭，果球世界波，埃及前鋒自己一個扭5個，阿諾遜色少少。
左翼靠羅拔臣出波，2次助攻給費明奴，文尼就比較不搶眼。
中路方面，隊長狀態提升，但未係最佳，基達的遠射一般，反而米拿幾有料到，助攻助守都幾到位。
防守未受考驗，龍門基利夏英超處子都幾悶蛋，波都唔駛接。
後備3個，右閘威廉斯有球助攻，森美卡斯不如羅拔臣，張伯倫感受像過場。
只能說，面對一盤散沙的雲尼亞里球隊，高普未受考驗。