這場比賽，雙方各打半場好波。
上半場，富咸踢得虎虎生威，
後面攔截都幾狠，不少飛鏟，安達臣甚至拎黄牌，
反擊球球都幾到肉，長傳都幾準，兩翼快插也好銳利，多次取得埋門，甚至單刀，利物浦龍門阿里遜復出後至少要做出三次以上重要撲救，包括遠射，近射，甚至單刀。
裁判問題有一次影響了上半場結果，
第一次法賓奴禁區內鏟人，視像裁判覺得有問題，幸好主裁判看完後否定了，沒有給12碼。
第二次富咸入波，明明事先在禁區外推人，視像裁判這次不提球證，主裁判也不主動去查。
我不明白佢哋只是看錄影，為何都看不出問題?
下半場，富咸踢得幾龜縮，感覺好像努力保持勝果，
首先全隊縮到幾乎三閘線，利物浦根本無法傳波入禁區，
富咸龍門表現出色，擋出了軒達臣一次門前近射，
利物浦幾乎控制了中場，但兩閘出波也去到富咸禁區，幾乎無作用，富咸中堅幾乎球球清，
體力下降，富咸反擊完全無力，但無損他們防守的緊密度。
高普換人，也無法打破悶局，南野換馬迪普，細威換阿諾，奧力吉換沙拿，好像無分別。
唯一重要換人來自富咸，他的名字叫卡馬拉，我不知佢打咩位，但佢幫手排人牆，居然犯手球，無端端輸球12碼，沙拿射得唔靚，富咸龍門撲到都入，紅軍執返1分。
當利物浦面對富咸老鼠拉龜時，我想起了祖塔，後來才知佢上場歐冠分組賽傷咗，此時我再想，明明出硬線，點解唔休息一下佢，反而放佢出來踢傷，高普排陣我開始不明白了。
沒有留言:
發佈留言