紅軍的低迷令主隊龍門好清閑，鮮有掂波機會，
反而阿里遜露臉機會仲多，出來擔任第二清道夫，還托出了威爾遜1球右翼半傳半射的斬中波。
布魯士果然係中堅出身，喜鵲布防好有條有理，4人後衛在禁區，任何時候左右均會再有三人封住紅軍兩閘，還有2人封傳球路線，除了走漏了一球沙拿接應中路長傳單刀和費明奴接應左路傳中頭球攻門外，基本上密不透風。
高普中堅用了菲臘斯，這位在史特嘉二隊磨練過的新秀還是二線材料，用波不夠果斷，傳球都幾慢，大大減慢了效率，尤其係利物浦喜歡用後衛起動進攻，中堅出波太慢真係好大獲。
紐卡素的中場由於參與了防守，焗利物浦的翼衛，反擊時都幾快手。
反而利物浦的3中場就會暗淡，
米拿勤力但無建樹，
軒神偶有佳作，但大部分時間都神隱咗，
宗師真係好天才，但也沒有任何大的作用產生出來。
紐卡素前鋒幾乎無影，不過，下半場主隊有球死球戰術門前頭球攻門都幾有威脅，好彩給阿遜救出。
利物浦三叉戟都幾啞火，費明奴還制造機會給沙拿，文尼連攻門機會都欠奉。
最後要提提高普的換人，
先換入韋拿杜姆，無咩大分別，
後來換入艾簡塔拿，泰亞高真係好有用，他的長傳好獨到，立刻拉開紐卡素防線，令喜鵲門前風聲鶴唳，雖然只踢了20分鐘，
至於肥沙，補時踢幾分鐘，真係唔知做咩，
高指導換人的效率真係不敢恭維，
和一場又唔見兩分，阿遜的零封對手記錄也算是個安慰獎。
沒有留言:
發佈留言