英超 3 利物浦 0 李斯特城

 李斯特城的敗因是給利物浦太多空間做波了，

華迪前面完全唔焗，利物浦後衛可以輕鬆傳球，兩閘好易上，

羅渣士把全軍縮到三閘線，連中場控制權都讓埋，利物浦連鍾斯都可以玩插花，

利物浦所入唯一一球生球，正是鍾斯轉方向，羅拔臣傳中，祖塔門前頂入。

另外，狐狸防死球的能力都幾差，可以比美羅渣士時代的利物浦，

伊雲斯被利物浦角球省中個頭頂入自己龍門係無運，

但費明奴都可以接應角球頂入，幾乎無人看管，令人好意外。

最後講高科技，李斯特城連運都輸埋，開波無耐馬迪普禁區有手球，但球證無理，逃過大難，如果判12碼，落後1球下踢，高普都幾吃力。

還有鷹眼，有球李斯特城護空門，皮球已經百分之99入界，但鷹眼都可以判不入，令人驚嘆。

無論如何，穩袋3分，紅軍球迷一定好高興。