英超 1 白禮頓 1 利物浦

 去到補時才輸波，利物浦球迷真係好谷氣。

那球12碼根本係無需要給的，韋碧克伸隻腳出來給羅拔臣踢，然後再跌低，這樣都要12碼，覺得都幾唔合理。

利物浦右閘的問題還是無法解決，歷高威廉斯未夠班，攻守都唔掂，進攻成日大腳，直接傳波給對手，防守仲輸埋12碼給人，雖然對手射唔入，已經嚇餐死，半場還被換走埋。

中場無創造力的問題持續，下半場要緊急換入軒達臣來壓場，立即多了些長傳和傳方向，令進攻多了空位走動，羅拔臣才有機場左翼出波給沙拿，再給祖塔射入。

占士米拿傷出，居迪斯鍾斯要客串右閘，紅軍的傷兵數目又增加了一員，下場歐冠不知如何排陣。

阿里遜的撲救不錯，也多次擔任第二清道夫出去解圍，但他救12碼真係好差，哥斯補時那球根本射得麻麻，都入。慕比果球係自己射斜，也不是阿里遜所救。

視像裁判也令人爭議，沙拿入球無端端判越位，羅拔臣果球又說他踢人，好有雞蛋裏面挑骨頭的味道，令足球變得無法用常理去欣賞，最後還要靠球證判斷，不是人人都服啊！

不過，我覺得白禮頓值得取1分，因為利物浦自己太多問題了，好多都無解決，傷兵太多了。