在酋長球場，阿迪達的球隊表現出色，控制大局，傳球快而準，可是就是無法埋門，除比比頭鎚攻門外，其他射門都是遠射或者唔中龍。
客軍重兵在後場，總有5人在大禁區，防守時甚至可以看見4人在小禁區，開場佢哋有氣有力時，真係好難撕破防線。
阿仙奴技術出色，速度快，戰術好，邊線出波形成頭鎚攻門。
但入波還是要靠三寶，死球，對手犯錯，運氣。
第一球，阿仙奴角球，龍門羅渣士打空，皮球省中鄧隊員，回到尼基迪亞腳下，抽入。
第二球，鄧隊員可怕回傳，省到鄧隊員腳，回到韋洛克腳下，被他輕易射入。
兩球都係上半場完場前，相隔僅兩分鐘。
下半場，兵工廠再添1球，運用了第四寶，搏大霧。
開波僅40秒，比比已經鵝眉月遠射破網，前面有三個鄧隊後衛，佢都可以起腳，令人費解。
明顯鄧隊仲未入局。
但鄧多克，這支愛爾蘭超級聯賽勁旅一旦入局後，真係好難搞，
佢用5後衛4防中加一個回防前鋒的打法，阿仙奴用短傳，技術加速度突破的打法，基本上無用，即使後來換入威廉也無用，阿迪達沒有長傳換方向的人和戰術，好難破密集。
沒有留言:
發佈留言