巴克萊亞洲錦標賽 1 南華 3 利物浦

第1次去現場看利物浦，感覺興奮。

可惜也是南華球迷，所以無著利記波衫入場。

波飛不是想像中難搞，幾日前去大球場，仲有飛，不過坐大鐘底。

事後發現仲好，因為可以清楚看見李海強為南華抽入果腳罰球，雖然離門都幾遠，覺得可能係卡臣未集中精神，所以漏入，不過，已經令李隊長開心咗好耐。

利物浦所入三球分別係，懷斯遠射抽入，沙比阿朗素12碼，還有艾加禁區內抽入，都算精彩。

印象深刻係禾朗連，這位烏克蘭前鋒，著10號，好勤力，打足全場，但射術都幾差，除咗搏球12碼給沙比，無咩建樹。

利物浦的兩翼，無論基維爾同賓納，都幾活躍。

至於前鋒，看見高治，還有後備入場的古治，兩個都表現一般。

後備席卻星光燦爛，有謝拉特，新買回來的費托，只是謝隊一直沒有出場，有些失望。

教練團就更多熟人，有為利物浦第五次贏歐聯的賓尼迪斯，教練是前南華球員米勒，還有名宿魯殊。

舊年利物浦剛贏足總盃，球迷對它寄與厚望。