這場比賽真係好求其，雙方傳奇係友誼第一，比賽第二。
戴奧為利物浦開記錄，但入波前我明明看見路以斯加西亞阻住對面龍門。
多蒙特追和來自反擊，利物浦無後衛，兩個黄衫對住龍門，韋斯達維特撲都費事，任佢哋射。
戴奧第二球係中圈開波，直接篤入龍門，唔知有無吹雞，但球證都當入，快到連電視畫面都無。
多蒙特第二球來自右路快攻，這次利物浦龍門也訓了一訓，都有姿勢分，但都係漏入。
利物浦致勝1球來自12碼，路以斯加西亞禁區內被撞跌，科拿操刀射入。
多蒙特球員不認識，球迷就看見明星孫耀威出來了一陣。
利物浦看見了格連莊臣，貝加，古治等球星，賽前史米沙護送歐冠獎盃入場給利迷看，賽後大家扮軒達臣碎步捧氣球獎盃好搞笑。
天氣太熱，球賽氣氛一般，只要一萬多人入場，大球場好多吉位。
我在記念品店買了條頸巾，都幾有意義。
賽前雙方球迷合唱會歌，你永不孤單獨行，發現無咩人唱，幾無氣氛。
沒有留言:
發佈留言